Yfirráð landhelgi
beinlínis áskilin í
stjórnarskrá ESB

Í væntanlegri stjórnarskrá ESB grein I-12 er það niður neglt að ESB hafi úrslitayfirráð yfir lífríki sjávar við strendur aðildarríkja í samræmi við sameiginlega fiskveiðistefnu.

Franz Fishler sem fer með sjávarútvegsmál í framkvæmdastjórn ESB var spurður að því á fundi í Reykjavík 10. ágúst 2003 hvort útilokað væri að semja um sérskilgreiningu á íslensku fiskveiðilögsögunni innan sameiginlegu sjávarútvegsstefnunnar þannig að Íslendingar gætu gerst aðilar en haldið samt yfirráðum yfir fiskimiðunum óhögguðum. Hann svaraði að ESB væri klúbbur með sínar reglur og sá sem gengi í klúbbinn gengi að gildandi reglum hans. "Þetta er grundvallaratriðið. Því snúast aðildarviðræður í aðalatriðum um það að ræða hvar umsóknarríkið á í erfiðleikum með að ganga að hinum gildandi reglum og hvernig hægt er að leysa úr þessum erfiðleikum í formi aðlögunarfrests eða sérlausna en þó í samræmi við grundvallarreglur ESB-réttar."

Í riti Stefáns Más Stefánsson  lagaprófessors og Óttars Pálssonar lögmanns um Fiskveiðireglur Íslands og Evrópusambandsins er sýnt fram á að engin fordæmi séu fyrir því að vikið sé frá þessum meginreglum ESB. Jafnframt er ljóst að Íslendingar myndu stórskaðast ef ESB hefði einnig vald til að skammta okkur kvóta utan landhelginnar í síldar-, loðnu- og kolmunnastofnum, sjá einnig Sjávarútvegur, Söguleg veiðireynsla, Reynsla Möltu.

Nálægðarregla ESB mun ekki
gilda um auðlindir sjávar

Í viðtali við Mbl. 6. nóvember 2003 var einn af höfundum hinnar væntanlegu stjórnarskrár ESB, þýski ESB-þingmaðurinn P. Altmaier, spurður að því hvers vegna auðlindir sjávar væru einu auðlindir aðildarríkja sem féllu undir "alger yfirráð" ESB.

Altmaier sagði í viðtalinu að þegar unnið var að stjórnarskrá ESB hefði upphaflega verið lagður fram langur listi yfir málefnasvið sem ættu að falla undir "alger yfirráð" ESB, t.d. hefði landbúnaðarstefnan verið á listanum "En í öllum þessum tilvikum komumst við að því, við nánari skoðun, að þar væri valdinu deilt milli hins milli hins yfirþjóðlega og þjóðlega valdsviðs. Hvers vegna þessi eina setning, varðandi vernd lífríkis sjávar, varð eftir, get ég bara skýrt þannig, að það hafi enginn getað eða viljað andmæla því að samkvæmt gildandi ESB-rétti hefði hið yfirþjóðlega valdsvið alger yfirráð á þessu sviði, á hafsvæðum utan 12 mílna landhelgi aðildarríkjanna. Þar gildir sameiginlega sjávarútvegsstefnan."

ESB-sinnar á Íslandi hafa löngum haldið því fram  við Íslendingar myndum fá að stjórna veiðum í íslenskri landhelgi þótt við gengjum í ESB og hafa oft vísað til "nálægðarreglunnar" sem felur það í sér að ákvarðanir sem unnt er að taka í viðkomandi landi séu teknar þar.  Altmaier staðfesti að svonefnd "nálægðarregla", myndi ekki eiga við um auðlindir sjávar.

Gengi krónunnar

Danir og
Norðmenn

Söguleg
veiðireynsla

Úr ýmsum áttum

Stjórnarskrá ESB

Marklaus kosning

Fjárkröfur ESB

Hví sögðu Svíar nei?

ESB og EES
The EU and EEA